Watumishi wa Halmashauri ya Wilaya ya Ushetu waaswa kufanya kazi kwa kuzingatia Sheria, Kanuni na Taratibu za Kiutumishi.

Ilipo tumwa: December 5th, 2019

Hayo yamesemwa na Kaimu Mkurugenzi Mtendaji wa Halmashauri ya Wilaya ya Ushetu Ndg Athanas Lucas alipokuwa akizungumza na watumishi wa makao makuu katika kikao cha pamoja kilichofanyika makao makuu ya halmashauri hiyo leo tarehe 5 Disemba, 2019.

'Ninawataka kila mmoja afanye kazi kwa kuzingatia kanuni, taratibu na sheria za kiutumishi, ili kuweza kutoa huduma bora na salama kwa wananchi wetu tunaowahudumia' , amesema bwana Athanas.

katika hatua nyingine, afisa Utumishi wa Halmashauri ya Ushetu bi Christina Akiyoo, amewakumbusha watumishi wa Halmashauri hiyo, hasa wale wa makao makuu, kuwahi kazini na kuondoka kulingana na muda wa mwajiri, kwani kinyume na hapo sheria za kiutumishi zitachukua mkondo wake na kuwaadhibu watumishi wote watakaoenda kinyume na taratibu hizo.