Historia

WENYEJI
Wenyeji  wa Halmashauri ya wilaya ya Ushetu ni wa Makabila ya  Wasukuma, Wasumbwa na Wanyamwezi. makabila mengine ni kama Waha, Wahangaza na WanyamwezI

MAHALI ILIPO

Halmashauri ya Wilaya ya Ushetu ni Halmashauri iliyoanzishwa  tarehe   23/11/2012 kupitia tangazo la  serikali GN 362/2012  kufuatia uamuzi wa serikali wa kuleta huduma karibu wananchi. Hii ni kutokana na kugawanyika kwa Halmashauri ya wilaya ya Kahama katika     Halmashauri 3 ambazo ni Halmashauri ya mji wa kahama,  Halmashauri ya Wilaya ya Ushetu na Halmashauri ya Wilaya ya Msalala.

Halmashauri ipo kaskazini magharibi (kusini mwa ziwa Victoria). Halmashauri ipo kati ya nyuzi za Latitudi 3015° na 4030° kusini mwa mstari wa  Ikweta na Longitudi 31030° na 33000° kusini mwa mstari wa Griniwichi. Halmashauri imepakana kwa upande wa mashariki na Halmashauri za Kahama mji na Halmashauri ya nzega.kwa upande wa kaskazini imepakana na Halmashauri ya Msalala. Kwa upande wa magharibi imepakana na Halmashauri ya  mbogwe na kwa upande wa kusini imepakana na wilaya ya Tabora  

Eneo la kijeografia la Halmashauri ya Wilaya ya ushetu.

UKUAJI NA ONGEZEKO LA WATU

Kulingana na sensa ya idadi ya watu  na makazi ya mwaka 2012 , Halmashauri ina jumla  idadi ya watu 273,075 (138,846 kike; 134229 kiume), hata hivyo  kundi la watu wenye nguvu kazi  kwa ajili ya kufanya kazi  na kusaidia  kuinua uchumi wa nchi ni wakazi wapatao 183,411. kundi lwa watu ambao ni tegemezi ni jumla ya idadi ya wakazi wapatao  89,892 ; hii ni pamoja na wazee na watoto.

WASTANI WA PATO LA MWANANCHI
 wastani wa Kipato cha kila mkazi wa Halmashauri ni takriban shilingi 530,000 / = (Hii ni sawa na shilingi 1,452 / = kwa kila Mkazi  kwa siku) kutokana na sensa ya taifa ya watu na makazi ya mwaka 2012. kasi ya ukuaji huu unatokana na  ukuaji wa  kata za  Ulowa, Ushetu na Bulungwa ambazo hushughulika na  na shughuli za kilimo kama vile, pamba tumbaku na uzalishaji wa mazao ya  chakula

SHUGHULI ZA  KISIASA

 Halmashauri ya   Wilaya ya Ushetu ina ina jimbo 1 la uwakilishi wa Wananchi.  Halmashauri ina kata 20 za uwakilishi. na Mbunge   mmoja wa kuchaguliwa . Madiwani wa kuteuliwa kwa viti maalumu vya wanawake ni 7 hivyo kufanya jumla ya Madiwani 27 na   Mbunge 1.

Eneo na idadi ya watu kwa kata

 JIOGRAFIA:  HALI YA HEWA NA   UOTO WA ASILI
MVUA
kwa ujumla  kuna mvua zisizo za uhakika. Hata hivyo,  mvua za masika  hotofautiana Msimu kwa msimu, wastani wa mvua ni  kati ya 750mm  na 1,030 mm kwa mwaka. mvua hudumu kwa kunyesha  takribani miezi mitano (5) kwa mwaka,  kutoka mwishoni mwa mwezi Oktoba hadi Mei  na huwa nyingi kwa kipindi cha wiki mbili hadi mwezi mmoja kati ya  Kipindi cha mwezi januari hadi febuari katika mwaka.

JOTO
joto huwa kiasi kwa kipindi cha mwaka mzima;  wastani wa joto  kila siku huwa ni  kuanzia ° 21-26 ° C, Miezi ya  Agosti na Septemba ndio  miezi ya joto la juu kiasi. na hupungua baada ya kipindi hicho,Wastani wa joto kaatika sehemu zote za Wilaya hufanana.

HALI YA UNYEVU UNYEVU
Unyevu unyevu ni   wastani wa 79% kwa mwaka.  pamoja na tofauti ndogo katika mwaka huo; wakati wa msimu wa mvua kiwango huwa  ni kati ya 80% na 85% na chini wakati wa kiangazi. kila mwezi   spidi kasi  ya upepo  inaonekana kuwa  tofauti  kidogo- wastani wa spidi ya  0.9m  kwa saa, wakati wa msimu wa mvua upepo hupungua kasi kuliko kipindi cha kiangazi.  mara kwa mara kutokea kuhusishwa na rainstorms, hasa wakati wa msimu  wa mvua