Halmashauri ya Wilaya ya Ushetu, yapata Mgao wa Pikipiki kwa ajili ya Kuboresha huduma za Afya kwa maeneo yaliyo atirika na UVIKO-19

Ilipo tumwa: October 14th, 2022

Ofisi ya Rais-TAMISEMI kupitia fedha za IMF za kuimarisha huduma za Afya katika maeneo yaliyo athirika na UVIKO-19, imefanya ununuzi wa pikipiki 517 ikiwa ni sehemu ya uboreshaji wa huduma za afya kwa Wananchi.

Pikipiki hizo 517, zinatarajiwa kugawiwa kwa Halmashauri mbalimbali Nchini, ambapo miongoni mwa Halmashauri hizo zilizopata mgao huo wa pikipiki, Hakmashauri ya Wilaya ya Ushetu imepata pikipiki 3 aina ya BOXER 125 zenye namba za usajili  STM 1923, STM 1924 na STM 1925.

Maafisa waliokabidhiwa pikipiki hizo kwa ajili ya kuratibu zoezi la kuboresha Afya kwa wananchi katika Halmashauri ya Ushetu ni

• Afisa Afya, Rajab Mohamed Seleman (STM 1924)
• Mratibu wa MTUHA, Bi. Catherine Masalu (STM 1923)
• Mganga Mfawidhi zahanati ya Bukomela, Bi. Scholastica F. Lucas (STM 1925)

Akikabidhi pikipiki hizo leo tarehe 13 Oktoba, 2022, Mkurugenzi Mtendaji wa Halmashauri ya Ushetu, ndg Linno P Mwageni, amewataka maafisa hao, kutumia vyombo hivyo vya Usafiri kwa makusudio yaliyokusudiwa ili kuleta tija na manufaa kwa Wananchi wa Ushetu.