Uzinduzi wa Utamaduni wa Msukuma Mkoa wa Shinyanga.

Ilipo tumwa: June 8th, 2022

Na Shomary Emmanuel

Shinyanga 

June 08/2022

Mkoa wa Shinyanga umezindua rasmi tamasha la Utamaduni wa Msukuma linalolenga kuutambulisha na kuambia jamii ya mkoa huo,Taifa na Dunia  hususani vijana juu ya utamaduni wao ikiwemo mila,desturi, vyakula na mavazi ambao umeenda sambamba na  uzinduzi wa filamu ya The Royal Tour katika Mkoa huo.

Tamasha hilo la utamaduni wa Msukuma linafayika kwa mara ya kwanza katika mkoa huo likilenga kuiambia jamii  kuwa kabila hilo linayo historia ya muda mrefu tangu karne nyingi ambapo kabila hilo limekuwa na mila na desturi ambazo bado zinapaswa kuenziwa.

Uzinduzi wa Utamaduni wa Msukuma na filamu ya The Royal Tour umefanywa na Waziri wa Maliasili na Utalii Dkt. Pindi Chana kwa niaba ya Waziri Mkuu wa Jamhuri ya Muugano wa Tanzania Mh. Kassim Majaliwa ambapo awali kabla ya kufanya zoezi hilo ametembelea kijiji ch utamaduni ndani ya viwanja hivyo vya Zainab Telack vilivyopo Old Shinyanga .