RC MACHA AFANYA ZIARA YA KUKAGUA MAENDELEO YA MIRADI YA MWENGE HALMASHAURI YA WILAYA YA USHETU 2024/2025

Ilipo tumwa: May 20th, 2025

Na. Emmanuel Shomary,

Ushetu DC,

Mei 20, 2025.

Mkuu wa Mkoa wa Shinyanga, Mhe. Anamringi Macha, amefanya ziara ya kikazi kukagua maendeleo ya miradi itakayopitiwa na mbio za Mwenge wa Uhuru 2024/2025 katika Halmashauri ya Wilaya ya Ushetu.

Ziara hiyo imefanyika leo Mei 20, 2025, ambapo jumla ya miradi saba (7), itakayopitiwa na mbio za mwenge wa Uhuru 2024/2025 yote ilifikiwa na ziara hiyo ya Mkuu wa Mkoa na kufanyiwa tathimini.

Miradi hiyo ya maendeleo inayotazamiwa kugharimu kiasi cha fedha Tsh. 3.34 bilioni ni pamoja na:

• Ujenzi wa shule ya Msingi Igwamanoni uliopo kata ya Igwamanoni,
• Ujenzi wa mashine ya kuchakata mazao (mahindi na mpunga) uliopo kata ya Bulungwa,
• Klabu ya Wapinga rushwa kutoka sekondari ya Bulungwa,
• Ujenzi wa Wodi ya kawaida ya Wanawake, kituo cha afya Bulungwa,
• Ujenzi wa tenki na Mtandao wa Maji, Kata ya Bukomela na
• Ujenzi wa shule mpya ya Amali (Ufundi) uliopo kata ya Nyamilangano.

Akizungumza katika ziara hiyo, RC Macha amepongeza juhudi na maendeleo ya miradi hiyo ambayo kwa kiasi kikubwa imefikia hatua nzuri ya Ukamilishaji.

“Nawapongeza kwa kweli kwa juhudi mnaonesha, mpaka hatua mliofikia ninaimani mtakamilisha ndani ya muda muafaka na hapatakuwa na zile kazi za zimamoto, mimi na timu yangu tutaendelea kufuatilia ujenzi wa miradi hii mpaka hatua ya mwisho” alisema RC Macha.

Mwenge wa Uhuru unatarajiwa kupokelewa Halmashauri ya Ushetu Augosti 4, 2025 katika viwanja vya shule ya Msingi Iramba kata ya Igwamanoni, Ukitokea Halmashauri ya Mji wa Kahama.